Riccetto, Caciotta, Lenzetta edota Begalone Erromako aldirietako mukizu azpiproletarioak ditugu. Gosearen eta biolentziaren artean tarrapataka dira bizi. Errebaletako mutikoen eguneroko abiadan igaroko ditugu orriok, bizkor eta oldarrean, miseriaren patuari ihesi doazela, pobreziari iseka egin eta alimaleko indarrez aurrera doan bizinahia itsuak bultzatuta. Gerraosteko Erromako min denak dakartza Pier Paolo Pasoliniren lehen eleberri honek, zeinak garaiko Italian sekulako eskandalua piztu eta prozesu judizial bat eragin zuen.