Festa batean, Marcus Torelliri musu emateko desafioa bota zioten Lenari. Aukera paregabea zuen azkenean hamalau urte bete baino lehen egin beharreko gauzen zerrendatik lehen musua ezabatzeko.Biharamunean, ordea, lanean hasi bezain laster konturatu ziren zerbait oker zebilela. Gauean sentitu zuten zirrarak ez zuen zerikusirik izan lehen musuarekin. Aitzitik, musu ematean botereak trukatu zituzten Marcusek eta Lenak! Izan ere, ohiz kanpoko nerabea da Lena, arimak biltzen baititu bere denbora librean. Serioski hartzeko kontua, gero! Marcus, bere aldetik, amodio-bitartekaria da. Lena arrazionalak, beraz, maitasunaren ahalmena izango du hatz-mamietan, eta Marcus sentiberak, aldiz, heriotza. Desafioa onartu izan ez balute... Uste baino buruhauste gehiago ekarriko dizkie musu hutsal horrek!