Un espaciu (la cuenca minera), un tiempu (el presente), y un sindicalista presuntamente corruptu (Donà) quÆun día espierta nel hospital y, al poco, yeÆl protagonista dÆun late show, Flashback, onde lu van entrevistar, son los elementos que formen la premisa dÆesta obra. Don, confusu, yá nun sabe qué ye verdá o mentira, realidá o fantasía. ¿Qué ta pasando con él? ¿Por qué nun lu reconocen como prócer de la minería? ¿Por qué encoplen cantares italianos que darréu olviden? ¿Por qué nun entienden quÆél fizo evolucionar a la especie humana? ¿Por qué esa médica, o esa entrevistadora, lu tán torturando pa facelu confesar lo innecesario? ¿Quién son elles? ¿Quién ye Don? ¿Quién yes tu? Flashback podía ser un llibru dÆautoayuda, una novela romántica o, inclusive, una colección dÆhaikus. Pero nun lo ye. Flashback namás ye una comedia que fala dÆuna traxedia.