Los llazos coloraos ye un percorríu peles fuelgues de la minería asturiana comprendíes ente los años 1957-1965 (dende la primer fuelga xeneral nel Nalón, pasando pela fuelga de 1962 que sÆestiende a mediu país, hasta los asaltos a la Comisaría de Mieres y al edificiu del sindicatu vertical en Sama) y cómo, a lo llargo dÆesos años, les fuercies obreres fueron modulando diferentes estratexes de respuesta a cada nueva forma de represión que les autoridades exercíen a cada convocatoria de fuelga: destierros, tortures, despidos... Como diz Ignacio Peón nesti cómic: «Yeren fuelgues que fueron siguíes. Cada añu celebrábemos lÆaniversariu de la fuelga anterior. Lo que pidíemos nun mos lo daben, asina que casi podíen valir les mesmes octavielles dÆun añu pa otru». La escusa pa esti viaxe son les trayectories vitales de dos muyeres, Anita Sirgo y Tina Pérez. Les dos tuvieron una infancia mui difícil; la dictadura robó-yos el crecer xunto a los padres y madres, pero elles, sobreponiéndose a toles dificultaes, llegaron a convertise en símbolu internacional de la llucha poles llibertaes. Qué sabía la culiebra del facismu miserable quÆen cada llatigazu que daba col rabu diba dexando la tierra abierta pa que los estandartes nacieren. Nestos tiempos paez que quier volver la culiebra a poner los güevos y España sigue ensin reivindicar a esa parte de la población que dio la vida pola democracia. La vida y acciones dÆestes muyeres y dÆotres munches persones nun sÆestudia nes escueles. La democracia española, si esiste, ye una democracia estúpida, una democracia mala. Cuando nun hai ruptura y sólo hai reforma dÆuna dictaduraà el nial de la culiebra sigue intactu. Aquella Asturies que yá quedó atrás tien fama de que foi una tierra rebelde. Pero naide sÆacuerda nin de los fechos nin de les feches, del orde de los acontecimientos, de los y les protagonistes... Ye un olvidu aguiyáu polos poderes pa convencenos de quÆhubo una vez un rei que traxo una democraciaà