Guillem Agulló i Salvador Montanejosen (Castelló) hil zuten, 1993ko apirilaren 11ko goizaldean. Igerilaria zen. Antifaxista. Antirrazista. Independentista. Hemezortzi urte zituen. Faxismoak duen inpunitate argi bezain beldurgarria agerian jartzeko balio izan zuen gazte valentziarraren hilketak: indar polizialen eta sistema judizialaren babesa eta prentsaren konplizitate zikina, zeina gai baita biktima bera borrero bihurtzeko. Eleberri dokumental honetan, Guillem Agullóren kasua aztertu du Cadenesek, sumarioan murgilduta, garai hartako prentsak emandakoa bilduta, eta Guillemen familiakoen eta lagunen testigantzak jasota. Era berean, injustiziaren eta duintasunaren arteko distantzia zenbaterainokoa den neurtu nahi izan du. Kasu honek gazteen belaunaldi oso bat astindu eta markatu zuen. Ez dugu ahaztuko, ez dugu barkatuko.