O libro estrutúrase en 3 capítulos. No 1º trabállanse as funcións reais de variable real, no 2º cuestións de Cálculo Matricial que serán necesarias no 3º dedicado ó estudo de funcións de varias variables reais, co obxectivo final de facer un lixeiro estudo da optimización neste tipo de funcións. Como novidade: cuestionarios tipo test, como material para autoavaliación, con respostas ó final do libro; e a aparición de pequenos recadros nos que se presentan persoeiros, homes e mulleres, destacados na Historia da Matemática, cunha breve información sobre contribucións que fixeron á Ciencia.