Unisonoa Ixiar Rozasen bi formadun lana da. Lerrobakarreko poesia liburua eta material sonoroa. Biak elkarrekin sortu eta hazi dira, hor nonbait horizontean, eta norbere bidea egin dute beste kide batzuekin batera. 2020ko abuztutik eskuragai dituzu pieza sonoroak Bandcamp plataforman. Poesia liburuan aurkituko duzun kodearekin entzun edota jaitsi ahal izango dituzunak. Unisonoa erritmoa, lerroa, esaldia, mugimendua, ondulazioa, bibrazioa, soinua, ahotsa, xuxurla eta afektuen arteko konposizioa da. UNISONOA pieza sonoroen aurrerapena: https://ixiarrozas.bandcamp.com/album/unisonoa