Viajeros. De la Antigüedad al Nuevo Mundo parecería un libro a través de cuxas páxinas se pretendería facer un percorrido desde a Antigüidade ata un mundo que se amplía cando os navegantes chegan mais aló do previsto e descobren novas terras. Sen embargo, quérese ir moito máis lonxe: é certo que o marco histórico se centra especialmente no medievo, con algunhas incursións na Antigüidade, pero non ten un fin nun tempo concreto, pois existen numerosas viaxes retrospectivas, desde a actualidade cara o pasado medieval, olladas cara un onte que se trata de descubrir, explicar ou recrear. Ao longo destas páxinas viaxaremos a través do tempo e do espazo, da Historia, a Arte e a Literatura.